話說而家每個病人入嚟，姑娘都問呢幾個禮拜有冇離開香港？ 當然九成九嘅人都講大話。
但係皇天不負有心人！終於有一個病人肯講真話！！問佢有冇去過邊度，最初佢扮聽唔到。姑娘再問佢去過邊度，佢又係扮聽唔到！你咁樣樣姑娘梗係鍥而不捨再問你啦，你咁可疑！
佢最後對住我哋發脾氣，大大聲話：「對呀 !我根本就是武漢人！有甚麼問題？我是武漢人我當然會回去武漢！」
你覺得冇問題嘅，你最初咪心平氣和同我地講你返咗武漢囉。你冇發燒我都冇得隔離你，冇得叫衛生署的你走。你做咩咁心虛呢？你覺得冇嘢嘅，你咪大大聲同診所入面嘅病人話：我係武漢人但係我唔戴口罩，吹呀！」你睇吓人哋咩反應囉！
你個額頭又冇鑿著你係武漢人，我點知你鄉下喺邊度？我地個個都問，又唔係淨係問你一個，唔好發我哋脾氣！你自己諗下點解要高度戒備！點解某D國家會隱瞞疫情，佢D人民講嘢我哋唔會相信？點解17年前爆疫情而家都冇人從錯誤中學習？ History does not need to repeat itself!
農曆新年過後大家準備攬炒！入咗口罩未？打咗流感針未？兩條問題都係搭「未」嘅，你哋就自求多福！鼠年真係祝你地身體健康！你健康你先至唔會過嚟搵我，我先至唔會有機會瀨嘢，我先至唔會有機會傳染比兩隻野！邊個傳染比我兩隻野我真係同你死過！ ！！🤬🤬🤬🤬🤯🤯🤯🤯
###
兩隻豬仔而家扶住野周圍擒周圍走～ 佢哋咁可愛，你捨得佢哋病咩？大家幫幫手做好防疫措施可以嗎？😢
Search